SS Byggir og undirverktakar vinna nú hörðum höndum að byggingu hjúkrunarheimilis við Vestursíðu. Hjúkrunarheimilið skiptist í fimm heimili og miðrými. Að jafnaði eru 45 -60 starfsmenn og undirverktakar á byggingarsvæðinu dag hvern auk  fjölda tækja og tóla.

Uppsteypu sjálfra húsanna er lokið og einungis eftir að steypa verandir sem koma utan við rými hjúkrunarheimilisins. Allri vinnu við einangurun er lokið og þakfrágangi að mestu lokið. Einnig er vinna við glerjun á lokastigi. Veðrið undanfarna daga hefur sett strik í reikninginn varðandi alla vinnu utanhúss og á það jafnt við um jarðvegs- og lóðavinnu sem og vinnu við utanhúss frágang. Vinna við múrklæðningu utanhúss mun hefjast um leið og veður leyfir og þá mun einnig færast aukin kraftur í vinnu við frágang lóðar, stæða og stíga.

Innanhússfrágangur er í fullum gangi og er fyrsta heimilið af fimm að verða fullbúið. Hin heimilin klárast síðan kerfisbundið hvert af öðru fram að afhendingu sem áætluð er í lok ágúst.  

Að jafnaði starfa á milli 30 og 40 manns við byggingu hjúkrunarheimilis við Vestursíðu og miðar verkinu vel. Samkvæmt áætlun á uppsteypu að ljúka um miðjan apríl og þrátt fyrir risjótt veður bendir allt til að sú áætlun standist. Vinna við lagningu þakdúks er hafin en miklu máli skiptir upp á framgang verksins að niðurlagning þakdúksins haldi áætlun. Vinna við frágang innahúss er að komast á fulla ferð eins og aðstæður leyfa. Málarar elta uppsetningu innveggja, dúkarinn kemur á eftir málurunum og gengur frá gólfefnum áður en starfsmenn SS Byggir setja upp innréttingar og innihurðir. Píparar og rafvirkjar fylgja sínum verkþáttum eftir samkvæmt áætlun líkt og aðrir undirverktakar verksins. Með vorinu verður byrjað á frágangi utanhúss og lóðarvinnu. Múrari mun sprauta klæðningu í hvítum lit utan á húsið, smíða á sólpalla fyrir utan allar einingar og að lokum liggur fyrir nokkur lóðafrágangur, t.a.m. í inngörðum svæðisins. Nánar verður fylgst með gangi framkvæmda við hjúkrunarheimilið hér á heimasíðunni allt fram að afhendingu þess. Ef farið er inn í fréttina er hægt að sjá nokkrar myndir frá byggingarsvæðinu.  

Naustaskói 2. áfangi - Uppsteypa og utanhússfrágangur

Verkinu miðar vel áfram en lögð er áhersla á að loka svokölluðu miðrými sem er á milli skólans og nýbyggingarinnar. Starfsmenn Útrásar eru að vinna við uppsetningu á stálvirki þaks rýmisins en þakið er uppbyggt úr stál-bitum annars vegar og kertó-bitum hins vegar. Kertó-bitarnir eru væntanlegir síðar í mánuðinum en þá getur vinna við þakklæðningu hafist og stefnt er að því að gera miðrýmið fokhelt með vorinu.

Naustaskóli 2. áfangi b - Frágangur innanhúss

Eins og fram hefur komið á heimasíðu SS Byggir, var undirritaður samningur á milli Fasteigna Akureyrarbæjar og SS Byggir varðandi frágang innanhúss í verknámsálmu Naustaskóla. Verkið hefur farið vel af stað og vinna aðalverktaki og undirverktakar samkvæmt stífri áætlun sem gerir ráð fyrir verklokum nú í haust.

Undirverktakar sem vinna með SS Byggir að frágangi innanhúss eru eftirfarandi:

Pípulagnir: Bútur ehf
Raflagnir: Ljósgjafinn ehf
Málning: Betri fagmenn ehf
Dúkur: Viðar Pálsson
Loftræsting: Blikk og tækniþjónustan ehf

Fjöldi barna hefur lagt leið sína til okkar í Njarðarnesi 14 í dag og sungið fyrir góðgæti. Við þökkum öllum liðunum sem heimsóttu okkur í dag, kærlega fyrir komuna. Það má sjá myndir af nokkrum liðanna með þvi að skoða alla fréttina.